assassins
Admin
عدد الرسائل : 144
العمر : 30
المزاج : nice
اعلام دول : 
عارضة الطاقة :
تاريخ التسجيل : 27/10/2008
 |  موضوع: نكات عراقيه 100%  الأربعاء نوفمبر 05, 2008 4:51 am | |
| (هذه المجموعة من النكات لا تستهدف أحداًوليس الغرض منها الإساءة لأحدٍ ما وإنما لأجل الضحك فقط.)
1)
دليمي گال ل أبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه.
2
)دليمي اشتره لمرته علبة كريم مغذي بشره..گعد الصبح لگاهه تريگ بيها الجهال
.
3)
أبوتكسي .. أشرتله بنيه..وگف گال :وين تروحين؟ گالت: للشورجه گاللها: اوكي بس لتتأخرين.
4)
دليمي زعل على مرته..إجت ترضيه..گالتله: أسويلك مساج؟..گال:لا متعشي بره.
5)
طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمة گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.
6)
دليمي بنه بيت مدوّر وگال لمرته:هم گولي بعد حابسني بين أربع حيطان؟
7)
دليمي تزوج حضريه..الصبح گللتله: صباح الخير حبيبي..گال : الله ينعل الانگليزي.
ثنين دليم يلعبون شطرنج.. الأول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.
متدين في قمّة الأدب يدگ باب الثلاجة قبل لا يفتحها
.(9
مات المتدين هذا
.. فبالجنه حصل بيتين گام باع واحد وأجر واحد وسكن عد گرايبه بالنار.
10)
واحد راح يسرق بيت وحده سمينة حيل. مسكته وگعدت عليه كالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.
11)
طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
12)
هايشه وگفت گدام المرايه وگالت:والله حرام كل هذا الجمال وياخذه ثور.
13)
حيّه تبچيييي .. گالولها :ليش؟؟ گالت خمس سنوات إمخيله عله عربيد وبالأخير طلع صونده.
14)
عسافي گال لمرته الحضرية شناكل اليوم گالت: مسويه رجيم گال اي والله ماضايگهه.
15)
دليمي راح يحج شاف الناس تشمر حجار گال: أيّباااااااه.......لهنا وصلت إسرائيل؟
16)
دليمي گال لصاحبي :بالله شوف ألاشاره مال السيارة تشتغل؟ فگال له صاحبه:إي..لا..إي..لا..إي..لا.............
17)
كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال.
18)
كردي گالوله الحگ مرتك تخونك بالبستان ويه صديقك..راح ركض ورجع وره شويه گال:مناعيل الأهل هنّه شجرتين.. سووهه بستان..وچماله الولد طلع لا صديقي ولا أعرفه.
19)
كردي گالو له شفنا واحد راكب ويه مرتك بالسياره ومرتك تسوق بسرعه طايره .گال لاتخافون عليهه ..شاطره بالسياقه.
20)
كردي راد يبدل الگلوب ركب على چتف مرته وگاللها يلله افتري.
21)
كردي يسبح بالشط ويندعي: يا إلاهي لاتموتني لخاطر المره والجهال..صديقه سمعه گال اله: لك يامره ياجهال؟ إنته يمته متزوّج..الكردي غمزله وعض له شفـّه.
22)
دليمي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.
23)
دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
24)
دليمي كمشله مصري يريد يبسطه.. گال المصري(سبني ياوله) گال له الدليمي(والله لانعل أبوك لابو الخلـّفك).
25)
دليمي گال له أبوه روح إغسل وجهك راح يجونه خطار..گال وبلكي ما إجوا؟
26)
دليمي سألوه: شفت بغداد؟ گال السفن أب..گالوا شنو يعني ؟ گال بطل تفتحه لو تلحگ تشرب منّه لو لا.
27)
دليمي شاف نافورات هواي ببغداد گال : حيل..!! شكثر بيهه بوريات طاگه.
28)
دليمي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
29)
دليمي تعين بالأمن السري مال الكعبه شاف واحد يطوف گاله :شعندك تفتر هنا؟
دليمي عرس سكتاوي حط كاسيت فارغ بالمسجل
(30
واحد من المدعوين عجبه الشريط طلب منه نسخه مسجله
.
جيرانهم دگ الباب حيل منزعج گاللهم
:يأ أخوان نريد اننام متنصون الصوت مال المسجل شويه.
31)
دليمي أشتره علچ أبو السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.
32)
دليمي گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.
33)
دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
34)
دليميه قرت بجواز رجلهه مكتوب( رجل اعمال) گالت سواهه الكلب واتزوج عليه.
35)
مصلاوي دز ابنه على تلث گرص خبز من رجع الابن گاله ابوه : بابا رجّع وحده امك ماتت.
36)
من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل.
37)
دليمي سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.
38)
لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي
39)
دليمي گال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.
40)
كردي سال أبوه: بابا منين چنتوا تشربون ماي گبل؟..گال أبوه: من العيون إبني..قال: بابا لعد ليش هسه من الحلوگ؟
41)
مصري يگل لدليمي: إنته بتستعبطني ولآ إيه..الدليمي گله:أسطع بطنك وبطن الخلـّفوك
.
42)
مصلاوي گال:إذا إجاني ولد أصوم خمس تيام..صار عنده ولد..صامهن..وره فتره مات الولد..گال:إلا أخصمهن من رمضان.
43)
مصلاوي بالسوگ أبنه گلله : بابا أحب النستله...گلله: بابا حبهه ورجعهه.
44)
كردي زوجوه أهله..گعد الصبح گل لأمه: يمه خليها تنام عدنا بعد.
45)
كردي لازمله ثلجايه ويگول: والله أموت لو بس أعرف منين مزروفه؟
46)شيخ جامع محشش وجعه راسه..أخذ حبايه أسبرين ومالگه ماي. تيمم مع تحيات assassins انشاء لله عجبتكم النكت ونتـــــ  ضر ردودكم | |
|
sniper
عدد الرسائل : 156
العمر : 33
المزاج : فرحان
اعلام دول : 
عارضة الطاقة :
تاريخ التسجيل : 27/10/2008
| | موضوع: رد: نكات عراقيه 100% الأربعاء نوفمبر 05, 2008 12:35 pm | |
| | |
|
علاس الحشاشة
عدد الرسائل : 108
العمر : 34
اعلام دول :
عارضة الطاقة :
تاريخ التسجيل : 27/10/2008
| | موضوع: رد: نكات عراقيه 100% الخميس نوفمبر 06, 2008 1:55 pm | |
| | |
|
